პოლიტიკური გაერთიანება „გირჩის“ ოფისთან ერთი ადამიანი დააკავეს. მასთან ერთად პოლიციის განყოფილებაში შეიყვანეს პარტიის მხარდამჭერი ნიკა ობოლაძეც.
„გირჩის“ Facebook-გვერდზე წერია, რომ ობოლაძე კრიმინალური პოლიციის თანამშრომლებმა დააკავეს, რომლებსაც სამოქალაქო ფორმა ეცვათ.
„გირჩის“ ცნობით, ნიკა ობოლაძეს ხელში ქოთანი ეჭირა, რომელშიც მარიხუანაა დარგული. პოლიციის განყოფილებაში კი სხვას არავის უშვებენ.
როგორც imedinews-ს შსს-ში უთხრეს, ისინი საქმის დეტალებს არკვევენ. ინფორმაციის მიღებისთანავე, imedinews შსს-ს კომენტარს მოგაწვდით.