თბილისში, გურამიშვილის გამზირზე მოძრავი ამწე მაღაზია „სუფთა სახლში“ შევარდა, რის შედეგადაც 3 ადამიანი დაშავდა, მათ შორის ერთი მცირეწლოვანი ბავშვია.
შემთხვევა რამდენიმე წუთის წინ გურამიშვილის გამზირზე, 7 ნომერში მოხდა.
როგორც „კვირას“ თბილისის სასწრაფო სამედიცინო დახმარების ცენტრში განუცხადეს, შემთხვევის შედეგად სამი ადამიანი დაშავდა. მათ სხეულის სხადასხვა დაზიანება აღენიშნებოდათ.
მათივე ინფორმაციით, დაშავებულებიდან 2 საუნივერსიტეტო კლინიკაში გადაიყვანეს, ხოლო ერთი – მცირეწლოვანი ბავშვი იაშვილის სახელობის ბავშვთა რესპუბლიკურ საავადმყოფოშია გადაყვანილი.