logo_geo
ფოთში ავტოსაგზაო შემთხვევის შედეგად ორი პირი დაშავდა
- +

2 სექტემბერი. 2019. 18:42

 

ფოთში, აღმაშენებლის ქუჩაზე ავტოსაგზაო შემთხვევის შედეგად ორი პირი დაშავდა.

 

ერთმანეთს „მერსედესისა“ და „ჰონდას“ მარკის ავტომობილები შეეჯახნენ. თვითმხილველთა ინფორმაციით, შეჯახების შედეგად დაშავდა ქვეითად მოსიარულე ქალი და ერთ-ერთი ავტომანქანის მგზავრი.

 

დაშავებულები სასწრაფო სამედიცინო დახმარების ჯგუფმა ქალაქის ჰოსპიტალში გადაიყვანა. ექიმების ინფორმაციით, მათი მდგომარეობა სტაბილურია.

 

„112-ის ჯგუფმა ორი პაციენტი ავტოსაგზაო შემთხვევიდან შემოიყვანა. ისინი იმყოფებიან მიმღებ დიაგნოსტიკურ განყოფილებაში. უტარდებათ შესაბამისი კლინიკო-დიაგნოსტიკური კვლევები და მკურნალობა. ორივეს აღენიშნებათ მრავლობითი ტრავმა, მდგომარეობა ჯერ-ჯერობით სტაბილურია“, – განაცხადა ფოთის ჰოსპიტალის დირექტორმა, თეა მიგინეიშვილმა.

 

ადგილზე მობილიზებულია საპატრულო პოლიცია. შსს-მ გამოძიება სსკ-ის 276-მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რომელიც  ჩადენილია მთვრალ მდგომარეობაში.

 

 

 

 

 

 

big_banner
არქივი