logo_geo
გენერალურ პროკურატურაში გიორგი გაბუნია დაიბარეს
- +

4 ოქტომბერი. 2019. 19:08

 

სამაუწყებლო კომპანია „რუსთავი2“-ის ყოფილი ჟურნალისტი გიორგი გაბუნია გენერალურ პროკურატურაში გამოკითხვაზე დაიბარეს.

 

ამის შესახებ „პირველს“ პროკურატურის პრესსამსახურში განუცხადეს.

 

ჯერჯერობით უცნობია, რომელ საათზე გამოჰკითხავენ გაბუნიას.

 

„სამაუწყებლო კომპანია რუსთავი 2“-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე მიმდინარე გამოძიების ფარგლებში საქართველოს გენერალურ პროკურატურაში გამოკითხვაზე დაბარებულია გიორგი გაბუნია“,-აცხადებენ პროკურატურაში.

 

შეგახსენებთ, გუშინ ამავე საქმეზე გიორგი ლაფერაშვილი და ზაალ უდუმაშვილიც გამოიკითხნენ.

 

 

 

 

 

წყარო : wyaro
big_banner
არქივი