logo_geo
მოზარდის გარდაცვალების გამო დაკავებული მარიანა ჩოლოიანის საქმეზე, სასამართლო განხილვები იწყება
- +

12 თებერვალი. 2020. 10:44

 

 

15 წლის ლუკა სირაძის გარდაცვალების საქმეზე დაკავებული მარიანა ჩოლოიანის საქმეზე, სასამართლო განხილვები დღეიდან იწყება.

 

სხდომა თბილისის საქალაქო სასამართლოში 12:00 საათზეა დანიშნული.

 

დღევანდელ სასამართლო პროცესზე, მტკიცებულებების დასაშვებობაზე უნდა იმსჯელონ. ამასთან, გადაისინჯება მარიანა ჩოლოიანის მიმართ აღკვეთის ღონისძიების სახით შეფარდებული პატიმრობაც.

 

მარიანა ჩოლოიანი, რომელსაც ლუკა სირაძის მიმართ ჩვენების იძულებას ედავებიან, ბრალს არ აღიარებს.

 

შეგახსენებთ, რომ 15 წლის მოზარდი ლუკა სირაძე, რომელმაც პოლიციაში გამოკითხვის შემდეგ თვითმკვლელობა სცადა, 17 დეკემბერს საავადმყოფოში გარდაიცვალა. აღნიშნულთან დაკავშირებით, სამართალდამცავებმა გამომძიებელი მარიანა ჩოლოიანი დააკავეს. მას თბილისის საქალაქო სასამართლომ აღკვეთის ღონისძიების სახით პატიმრობა 19 დეკემბერს შეუფარდა.

 

სახელმწიფო ინსპექტორის სამსახურმა ლუკა სირაძის საქმეზე, პოლიციის კიდევ რამდენიმე თანამშრომლის მხრიდან, ადმინისტრაციული გადაცდომა გამოკვეთა. უწყებამ შინაგან საქმეთა სამინისტროს გენერალურ ინსპექციას მიმართა პოლიციის მუშაკებისთვის შესაძლო დისციპლინური პასუხისმგებლობის დაკისრების საკითხის გადაწყვეტის მიზნით.

 

 

big_banner
არქივი