logo_geo
ოკუპირებული აფხაზეთი ფსოუზე მიმოსვლას კრძალავს
- +

7 აპრილი. 2020. 19:51

 

ოკუპირებული აფხაზეთი მდინარე ფსოუზე მიმოსვლას 20 აპრილამდე კრძალავს. ამის შესახებ ოკუპირებული აფხაზეთის ე.წ. პრეზიდენტის მოვალეობის შემსრულებლის, ვალერი ბგანბას განკარგულებაშია აღნიშნული.

 

 

ე.წ. დოკუმენტში აღნიშნულია, რომ შეზღუდვა ეხება ყველას, რამდენიმე გამონაკლისის გარდა. ფსოუზე გადაადგილების უფლება მიეცემათ მხოლოდ დიპლომატებს, რუსეთის თავდაცვის სამინისტროს, ასევე რუსეთის უსაფრთხოების ფედერალური სამსახურის თანამშრომლებს და სატვირთოს მძღოლებს.

 

 

შეზღუდვები კორონავირუსის გავრცელებას უკავშირდება. ოკუპირებულ აფხაზეთში კორონავირუსით ინფიცირების პირველი შემთხვევა დაფიქსირდა.

 

 

 

big_banner
არქივი