ტურინის „იუვენტუსის“ თავდამსხმელი კრიშტიანო რონალდუ ყოველთვიური ხარჯებისთვის თავის საცოლეს, ჯორჯინა როდრიგესს 96 ათას ევროს აძლევს.
ინფორმაციას ამის შესახებ გამოცემა „The Sun“ ავრცელებს.
აღსანიშნავია, რომ როდრიგესი ფულს ბავშვების შესანახად და საკუთარი ხარჯებისთვის იღებს.
რონალდუ იტალიის ჩემპიონატის ყველაზე მაღალანაზღაურებადი ფეხბურთელია. მისი წლიური ხელფასი 31 მილიონი ევროა. „იუვენტუსში“ რონალდუ 2018 წლის ზაფხულში მადრიდის „რეალიდან“ გადავიდა. ტურინელებმა მის სანაცვლოდ 100 მილიონი ევრო გადაიხადეს.