წყვილი ხუთშაბათს, 9 ივნისს დაქორწინდა. ქორწინების ცერემონია ლოს-ანჯელესში წყვილის საკუთარ სახლში გაიმართა.

ბრიტნი და სემი ერთმანეთს 2016 წლიდან ხვდებიან. სემი ბრიტნის ერთ-ერთი აქტიური მხარდამჭერია და მასაც დიდი წვლილი მიუძღვის ბრიტნის მეურვეობისგან გათავისუფლებაში. ბრიტნი სპირსი ასგარიმ სამუშაო გარემოში, ერთ-ერთი მუსიკალური კლიპის გადაღებისას გაიცნო. მათ ისაუბრეს, ნომრები გაცვალეს და მალევე შეხვედრაც დაიწყეს. მათ ძალიან მეგობრული ურთიერთობა აქვთ და სოციალურ ქსელში სახალისო ფოტოებსაც ხშირად აქვეყნებენ.

ასგარი ირანში დაიბადა და 12 წლამდე თეირანში იზრდებოდა. შემდეგ კი საცხოვრებლად მამასთან, ლოს-ანჯელესში გადავიდა, რომელიც იქ სამუშაოდ იყო წასული. მისი დედა და დები ირანში დარჩნენ.

ქორწილის დასაგეგმავად წყვილმა ცნობილი პროდიუსერების ჯგუფი დაიქირავა: „ჩვენ ძალიან გვინდოდა, რომ ეს პატარა და ლამაზი მომენტი ოჯახთან და მეგობრებთან ერთად აღგვეღნიშნა“, - უთხრა ბრიტნიმ Vogue-ს. ჩვენ ავირჩიეთ თბილი და ქალური ფერები, მათ შორის თეთრი, კრემისფერი, ოქროსფერი, ვარდისფერი, და წითელის ბევრი სხვადასხვა ელფერი. ყვავილები ისე გამოიყურებოდა, თითქოს ზღაპრიდან ამოეგლიჯათ.

პატარძალს ეცვა დახვეწილი Versace-ს კაბა. შარლოტა და სოფია ტილბერებმა პატარძლის ბუნებრივი სილამაზის შექმნაზე იზრუნეს. „აღფრთოვანებული ვიყავი და პატივი მქონდა, რომ ბრიტნის საქორწილო სტილზე მეზრუნა!“ - ამბობს შარლოტა. ბრიტნი ჩვენი დროის სიმბოლოა, რომელმაც ყველას შთააგონა და გაგვაძლიერა თავისი სიხარულითა და პოზიტიური ენერგიით. მას ისეთი ბუნებრივი სილამაზე აქვს, ყველაზე მომხიბვლელი დიდი, ყავისფერი თვალები.”

პატარძლის ბზინვარებას კიდევ უფრო აძლიერებდა სამკაულები, რომლებიც მან მოირგო. ბრიტნის საქორწილო აქსესუარები 62 კარატს იწონიდა და ყველა საუკეთესო იუველირის ნამუშევრებს აერთიანებდა, მის სახეს ამშვენებდა ბრილიანტის მსხლის ფორმის საყურეები, გულის ფორმის ალმასის და თეთრი ოქროსგან შექმნილი ყელსაბამი და ოვალური ბრილიანტის სამაჯური.

„ვიცოდით, რომ ბრიტნის კაბას კლასიკური სილუეტი ჰქონდა ღია დეკოლტეთი, ამიტომ შევარჩიეთ აქსესუარები, რომლებიც სტილს შეავსებდა“, - უთხრა სტეფანი გოტლიბალდემ Vogue-ს. ”ჩვენ ერთობლივად შევარჩიეთ ნამუშევრები, რომლებიც ყველაზე ბუნებრივად იქნებოდა ბრიტნიზე.”

წყვილის სახლის გარეთ, რომელიც ქორწილისთვის ვარდისფერ ვარდებით იყო მორთული, იდგა თეთრი ცხენი ოქროს ჩლიქებით, რომელიც პოპის პრინცესას ეტლით ელოდა. ათწუთიანი ცერემონია გაიმართა ხავერდოვანი რუჟით მორთულ კარავში. სტუმრები იყვნენ: მადონა, სელენა გომესი, დრიუ ბერიმორი, პერეს ჰილტონი და კარტერ რეუმი, ქეთი ჰილტონი, მარია მენუნოსი, ანსელ ელგორტი, will.i.am და დონატელა ვერსაჩე.

წვეულებაზე ბრიტნიმ კიდევ სამი კაბა გამოიცვალა. შავ მინი კაბას მოჰყვა ორ ფერში გადაწყვეტილი სამოსი, ბოლოს კი წითელი მინი კაბა, ყველა ბრენდ Versace-ს ეკუთვნოდა.