პრემიერ-მინისტრ გიორგი კვირიკაშვილის განცხადებით, ბორჯომის ხეობაში „საღამოსთვის გაცილებით უკეთესი სიტუაცია გვექნება".

პრემიერის თქმით, ამ ეტაპზე ადგილზე 3 ვერტმფრენი მუშაობს.

„ორი დაგვემატება დაახლოებით, საათნახევარ-ორ საათში. გარდა ამისა, მუშაობენ მეხანძრე-მაშველები, ტექნიკა მობილიზებულია ხელოვნური წყალსაცავების გაკეთებისთვის. ყველაფერი კეთდება იმისთვის, რომ ცეცხლის ლოკალიზება მოხდეს", - განაცხადა გიორგი კვირიკაშვილმა.

პრემიერის თქმით, თურქეთში იყო ძლიერი ქარი, ამის გამო ვერტმფრენები ვერ ჩამოფრინდნენ და ისინი ახლა გზაში არიან.