უახლოეს დღეებში საქართველოში არამდგრადი ამინდი იქნება. დასავლეთ საქართველოში ჰაერის ტემპერატურა დაიკლებს, აღმოსავლეთში კი კვლავ სიცხე შენარჩუნდება.
სინოპტიკოსების ინფორმაციით, 2 სექტემბრის ჩათვლით დასავლეთ საქართველოს უმეტეს რაიონებში და აღმოსავლეთ საქართველოს ზოგიერთ რაიონში ხანმოკლე წვიმა და ელჭექია ნავარაუდევი.
დასავლეთ საქართველოში ჰაერის ტემპერატურა 30 გრადუსამდე გათბება, აღმოსავლეთში 30-35 გრადუსი იქნება.
რაც შეეხება დედაქალაქს, თბილისშიც უახლოესი დღეების ღამის საათებში მცირე წვიმა და ელჭექია მოსალოდნელი. ჰაერის ტემპერატურა 34-36 გრადუსი იქნება.
30 აგვისტოს საქართველოში მაქსიმალური ტემპერატურა 1998 წელს +38.2 გრადუსი დაფიქსირდა, მინიმალური - 1900 წელს +13.1 გრადუსი.