პირველი დეკემბრიდან „მაგთის" აბონენტებს ტელევიზიის პაკეტების ღირებულება ორი ლარით გაუძვირდებათ, - ამის შესახებ კომპანიის მიერ აბონენტებისთვის გაგზავნილ ინფორმაციაშია ნათქვამი.
კომპანიის განმარტებით, პაკეტების გაძვირების მიზეზი ექვსი ქართული ტელეარხის მიერ არხების რეტრანსლირებისთვის საფასურის დაწესება გახდა.
„ექვსი ქართული ტელეარხის - „რუსთავი 2", „კომედი არხი", „მარაო", „იმედი", „მაესტრო" და GDS - ერთობლივი მოთხოვნით, არხების რეტრანსლირება ტრანზიტორი ოპერატორებისთვის ხდება ფასიანი.
ამის გამო, „მაგთიკომი" იძულებულია, 1-ლი დეკემბრიდან გაზარდოს ტელევიზიის პაკეტების ფასი 2 ლარით, ყველა გადასახადის ჩათვლით.
ტარიფის ცვლილება ეხება „მაგთიკომის" ტელევიზიის ყველა აბონენტს", - ნათქვამია მოკლე ტექსტურ შეტყობინებაში, რომელიც „მაგთის" აბონენტებმა მიიღეს.