logo_geo
თბილისში მცხოვრებთა 44%-ს პროფილაქტიკური სამედიცინო გამოკვლევა არასდროს ჩაუტარებია
- +

13 ნოემბერი. 2017. 23:03


 

რამდენად ხშირად იტარებს თბილისის მოსახლეობა ჯანმრთელობის შემოწმების მიზნით სამედიცინო გამოკვლევებს - ამ საკითხით ACT Global-ი დაინტერესდა და კვლევა ჩაატარა.


კვლევა აჩვენა, რომ თბილისის 10 მცხოვრებლიდან ოთხს (44%) არასოდეს ჩაუტარებია პროფილაქტიკური სამედიცინო გამოკვლევა. თბილისში მცხოვრებთა 32% ამ მიზნით სამედიცინო გამოკვლევებს სულ მცირე წელიწადში ერთხელ იტარებს, ხოლო 24% პროფლაქტიკური გამოკვლევებისთვის სამედიცინო დაწესებულებას ორ წელიწადში ერთხელ ან უფრო იშვიათად მიმართავს.


ACT Global-ი ასევე დაინტერესდა ბოლო პერიოდში თბილისელების რა ნაწილმა მიმართა ექიმს უშუალოდ ჯანმრთელობასთან დაკავშირებული პრობლემების გამო. კვლევამ აჩვენა, რომ ბოლო 6 თვეში თბილისის მოსახლეობის 50% იყო ამ მიზეზით ექიმთან. ამასთან, ექიმთან ვიზიტის პრაქტიკა უფრო მაღალია 60 წლის და უფროსი ასაკის ადამიანებში.


კვლევის შედეგებიდან ირკვევა, რომ 60 წლისა და უფროსი ასაკის თბილისელები, გარდა ოჯახის ექიმისა (66%), ბოლო 6 თვის განმავლობაში ჯანმრთელობის პრობლემების გამო ასევე მიმართავედნენ კარდიოლოგებს (25%) და ოფთალმოლოგებს (15%).


18-35 წლის ასაკის თბილისელები გარდა ოჯახის ექიმისა, ბოლო 6 თვის მანძილზე ასევე ყოფილან გინეკოლოგთან (24%) და სტომატოლოგთან (19%) .


კვლევა ჩატარდა თბილისის მაშტაბით, შემთხვევითი შერჩევის გზით თბილისის 400 ზრდასრულ მოსახლეს შორის, 2017 წლის 7 ოქტომბრიდან 9 ოქტომბრამდე პერიოდში. მონაცემთა სტატისტიკური ცდომილება საშუალოდ 3.0%-6.5%-იან შუალედში მერყეობს.



 

წყარო : wyaro
big_banner
არქივი