ელიავას ბაზრობასთან ავტომანქანების საწყობში ხანძარი ლოკალიზებულია. გუდაუთას ქუჩაზე ავტომანქანების საწყობში ცეცხლი დილის 7 საათზე გაჩნდა.
დამწვარია 200 კვადრატულამდე მეტრის ფართი, საწყობის სახურავი და იქ განთავსებული რამდენიმე ავტომანქანა.
ადგილზე ხანძრის ლიკვიდირებას საგანგებო სიტუაციათა სამსახურის რამდენიმე ბრიგადა ცდილობდა. ხანძრის გამომწვევი მიზეზი ჯერჯერობით უცნობია.