logo_geo
„წუხელ რთული ღამე იყო ქართველებისთვის“ – გერმანიიდან საქართველოს მოქალაქეები გამოაძევეს
- +

21 თებერვალი. 2018. 22:43



გერმანიიდან გუშინ საქართველოს 65 მოქალაქე გამოაძევეს. როგორც „ინტერპრესნიუსს" გერმანიაში საქართველოს საკონსულოში განუცხადეს, ქვეყანა დაატოვებინეს იმ მოქალაქეებს, რომლებსაც ევროკავშირის ტერიტორიაზე უვიზოდ ყოფნის პირობები ჰქონდათ დარღვეული.

 

„გერმანიის ფედერაციული რესპუბლიკიდან გუშინ განხორციელდა მორიგი რეადმისია, უკან გამოაბრუნეს საქართველოს 65 მოქალაქე, რომლებმაც დაარღვიეს ევროკავშირის სივრცეში ყოფნის სავიზო რეჟიმი", - განაცხადეს საკონსულოში.


გერმანიიდან საქართველოს მოქალაქეების გამოძევების შესახებ სოციალურ ქსელში ინფორმაციას თავად გერმანიაში მცხოვრები ქართველებიც ავრცელებენ. მათი განცხადებით, საქართველოს მოქალაქეები, რომლებიც რეადმისიას დაექვემდებარნენ, ჩრდილოეთ რაინ-ვესტფალიასა და ბადენ-ბიურტემბერგში ცხოვრობდნენ.


„წუხელ რთული ღამე იყო გერმანიაში ქართველებისთვის", - წერს გერმანიაში მცხოვრები საქართველოს ერთ-ერთი მოქალაქე.


მათივე ინფორმაციით, „უამრავი საქმეა ჩანიშნული ადმინისტრაციულ სასამართლოში და ყველა საქმე სწრაფი ტემპით წყდება".


 

big_banner
არქივი