„ჯეოსელის" ქსელი დაახლოებით 2 საათია ნაწილობრივ გათიშულია. კომპანიის აბონენტთა ნაწილი ვერ ახორციელებს სატელეფონო ზარებს, ვერ აგზავნის მოკლე ტექსტურ შეტყობინებებს და ვერ ამოწმებს ბალანსს.
როგორც ეკონომიკურ პორტალ bpn.ge-ს „ჯეოსელში" განუცხადეს, ამ ეტაპზე კომპანიაში ახალ სისტემაზე გადასვლის სამუშაოები მიმდინარეობს.
„ეს სამუშაოები რამდენიმე ეტაპიანია. აბონენტებმა ამის შესახებ რამდენიმე ხნით ადრე მიიღეს ინფორმაცია და მათ იცოდნენ, რომ შეიძლებოდა ქსელის გათიშვა დაფიქსირებულიყო", - აღნიშნეს „ჯეოსელში".
კომპანიის განმარტებით, „ჯეოსელის" აბონენტები ქსელით სრულყოფილად სარგელობას ერთ საათში შეძლებენ. კომპანია აბონენტებს შექმნილი უხერხულობის გამო ბოდიშს უხდის.