„ბოლო დღეების განმავლობაში ზვიადი პრეზიდენტის ატრიბუტებს, ბეჭედდარტყმულ საბუთებს, თუ რამე ჰქონდა, ყველაფერს ხევდა და წვავდა", - ამის შესახებ საქართველოს პირველი პრეზიდენტის ზვიად გამსახურდიას დაცვის უფროსმა რობიზონ მარგველანმა განაცხადა.

„არ ლაპარაკობდა და ბოლო ათი დღე იშიმშილა... სიკვდილის წინა ღამეს დაგვიძახა და გვითხრა - ბიჭებო, თქვენ ძალიან მაგრები ხართ და თუ რამე მოხდეს, არ შეგეშინდეთ, არ დაიბნეთ და აქ დამმარხეთო... ორი დღის შემდეგ ზვიადი წავიდა ამქვეყნიდან", - განაცხადა მარგველანმა.