რუსთავში, ბათუმის ქუჩაზე, 15 წლის გოგონა ავტობუსიდან ჩავარდა და დაზიანებები მიიღო. თვითმხილველების თქმით, ის სკოლაში საგანმანათლებლო დაწესებულების კუთვნილი ავტობუსით მიდიოდა.
გავრცელებული ინფორმაციით, მოზარდმა ავტობუსში ავარიული ღილაკი გამოიყენა, რის შემდეგაც კარი გაიღო და გოგო მოძრავი ტრანსპორტიდან გადავარდა.
ადგილზე სასწრაფო სამედიცინო დახმარების ეკიპაჟი გამოიძახეს, რომელმაც სკოლის აღსაზრდელი ქალაქის ცენტრალურ საავადმყოფოში გადაიყვანა.
ექიმის განცხადებით, პაციენტის ჯანმრთელობის მდგომარეობდა დამაკმაყოფილებელია, თუმცა დაზარალებული ამ დრომდე კლინიკაში რჩება.