logo_geo
„Facebook“-მა 200-ზე მეტი აპლიკაცია დროებით დაბლოკა
- +

15 მაისი. 2018. 13:04

 

„Facebook“-მა 200-ზე მეტი აპლიკაცია დროებით დაბლოკა. როგორც სოციალური ქსელის მენეჯმენტში განმარტეს, ამჟამად სპეციალისტები სწავლობენ, ხომ არ ირღვევა აღნიშნული აპლიკაციებით მომხმარებელთა უფლებები.

 

როგორც „Facebook“-ში განმარტავენ, საუბარია აპლიკაციებზე, რომლებმაც სავარაუდოდ, მომხმარებელთა პირადი ინფორმაცია მიითვისეს. აღნიშნული ნაბიჯი მას შემდეგ გადაიდგა, რაც მარკ ცუკერბერგმა განაცხადა, რომ სოციალური ქსელის თანამშრომლები ყველა პროგრამის და აპლიკაციის შესწავლას აპირებენ, რომლებსაც 2014 წლამდე მნიშვნელოვან ინფორმაციაზე ჰქონდათ წვდომა.

 

2014 წლიდან „Facebook“-მა პირად მონაცემებთან წვდომა შეზღუდა. მანამდე „Facebook“-ის გარშემო სკანდალი აგორდა. ამის მიზეზი კი, ბრიტანული კომპანია „Cambridge Analytica“ იყო, რომელმაც სოციალური ქსელის 87 მილიონი მომხმარებლის მონაცემები ბოროტად გამოიყენა.

 

„Facebook“-ში განაცხადეს, რომ ამჟამად სპეციალისტები კიდევ ათასობით აპლიკაციას იკვლევენ, ხოლო მომხმარებლებს, რომელთა პირად მონაცემებს შესაძლოა, საფრთხე შეექმნას, წინასწარ გააფრთხილებენ.

 

წყარო : wyaro
big_banner
არქივი