„თავისუფალი თეატრის" მსახიობი გოგა ბარბაქაძე წინასაახალწლო სამზადისში აქტიურად ერთვება. როგორც მან „ქართულ აზრთან" საუბარში აღნიშნა, მეკვლის ტრადიციას დიდ მნიშნველობას ანიჭებს და მისთვის განსაკუთრებული ახალი წლის შესახებაც გვესაუბრება.

- სად ხვდებით ახალ წელს?

- ამჯერად ოჯახში ვხვდებით ახალ წელს. ორი წლის ბარბარე გვყავს და ვერსად გავდივართ.

- თუ იღებთ მონაწილეობას წინასაახალწლო სამზადისში?

- კი, რა თქმა უნდა. რაც შემიძლია, აბსოლუტურად ყველაფერს ვაკეთებ. საჭმლის კეთებაც მიყვარს და თუ დამრთავს ნებას ჩემი მეუღლე, წელსაც სიამოვნებით გავაკეთებ.

- რომელი კერძი გამოგდით ყველაზე კარგად?

- რასაც მოვინდომებ, ყველაფერი კარგად გამომდის.

- ოჯახში რაიმე განსაკუთრებული ტრადიცია ხომ არ გაქვთ?

- განსაკუთრებული ტრადიცია არ გვაქვს. მთელი ოჯახი ვიკრიბებით და ველოდებით ახალი წლის დადგომას.

- მეკვლის ტრადიცია თუ არის თქვენთვის მნიშვნელოვანი?

- კი, ძალიან მნიშვნელოვანია და ოჯახის მეკვლე ჩემი შვილია - გაბრიელი.

­- რომელიმე ახალი წელი თუ დაგამახსოვრდათ განსაკუთრებულად?

- პირველი შვილი როდესაც შეგვეძინა და მასთან ერთად შევხვდით ახალ წელს, ეს იყო ყველასგან გამორჩეული ახალი წელი.

- დაბოლოს, რას უსურვებთ ქვეყანას და მოსახლეობას?

- ვუსურვებ ბედნიერებას, ჯანმრთელობას და სურვილების ასრულებას.