ყოფილმა პარლამენტარმა გოგლა ჟვანიამ „ქართულ აზრთან" საუბარში აღნიშნა, რომ მეკვლის ტრადიციის არ სჯერა, გოზინაყს კი თავად ამზადებს.

- სად ხვდებით ახალ წელს?

- ახალ წელს ყოველთვის ოჯახში ვხვდები.

- წინასაახალწლო სამზადისში თუ იღებთ მონაწილეობას?

- მე, ძირითადად, გოზინაყის მომზადებით შემოვიფარგლები.

- ოჯახში რაიმე განსაკუთრებული ტრადიცია ხომ არ გაქვთ?

- არაფერი განსხვავებული, ჩვეულებრივ, გვაქვს ტრადიციული სუფრა და ვიკრიბებით ოჯახის წევრები.

- მეკვლის ტრადიცია თუ არის თქვენთვის მნიშვნელოვანი?

- არ მწამს ასეთი რაღაცების.

- განსაკუთრებულად თუ დაგამახსოვრდათ რომელიმე ახალი წელი?

- არ მახსენდება ეგეთი.

- რას უსურვებთ ქვეყანას და ხალხს?

- მომავალი წელი განვლილ წელზე უკეთესი იყოს.