logo_geo
სოფო ხალვაში: ვისურვებდი, რომ ლაღი, ბედნიერი და გაღიმებული ხალხი მენახოს
- +

2 იანვარი. 2017. 23:18




მომღერალი სოფო ხალვაში უკვე წლებია, ახალ წელს კონცერტზე ხვდება, არც 2017 წელია გამონაკლისი. „ქართულ აზრთან" საუბრისას მომღერალმა აღნიშნა, რომ საახალწლო სამზადისში აქტიურად მონაწილეობს.


- სად ხვდებით ახალ წელს?


- უკვე წლებია, კონცერტზე. ამჯერადაც ბათუმში, ღია ცის ქვეშ, კონცერტზე შევხვდები 2017 წელს.


- წინასაახალწლო სამზადისში თუ იღებთ მონაწილეობას?


- რა თქმა უნდა, ვაწყობ ნაძვის ხეს და ვაცხობ საშობაო ღვეზელებს. ახალ წელს მარხვაა, ამიტომაც გემრიელი კერძები 31 დეკემბერს არ გვაქვს, თუმცა 7 იანვრისთვის ვამზადებ ყველაფერს.


- ოჯახში რაიმე განსაკუთრებული ტრადიცია ხომ არ გაქვთ?

 

- 7 იანვარს, შობას, ჩვენი ოჯახის ყველა მეგობარი, ნათესავი და ახლობელი ჩვენთან იკრიბება.

 

- მეკვლის ტრადიცია თუ არის თქვენთვის მნიშვნელოვანი?


- თითქოს არავის არ სჯერა, მაგრამ ტრადიციულად, ყოველ წელს შემოდის მეკვლე ტკბილეულობით. ჩვენთან ოჯახის წევრები ვართ ხოლმე მეკვლეები.


- განსაკუთრებულად თუ დაგამახსოვრდათ რომელიმე ახალი წელი?

- ალბათ ბავშვობის ახალი წელი, რადგან ბავშვი სხვანაირად აღიქვამს ყველაფერს, სხვა მოლოდინი აქვს და უხარია. კიდევ, შარშანდელი ახალი წელი, რადგან ძალიან დიდი და ლამაზი თოვლი მოვიდა.

 

- რას უსურვებდით ქვეყანასა და მოქალაქეებს?


- პირველ რიგში, ჯანმრთელობას, ღვთის წყალობასა და ბედნიერებას. ბოლო პერიოდში ყველა იმდენადაა პრობლემებით დამძიმებული, რომ გარშემო სულ დაძაბული აურაა, ვისურვებდი, რომ ლაღი, ბედნიერი და გაღიმებული ხალხი მენახოს. 





 

big_banner
არქივი