ტურისტი იესპერ ბლექი საქართველოს უკვე ყოფილ პრემიერ-მინისტრს, გიორგი კვირიკაშვილს ემშვიდობება. ამის შესახებ მან სოციალურ ქსელში დაწერა.
„ჩემო მეგობარო“,- წერს ბლექი და გიორგი კვირიკაშვილის ფოტოს აქვეყნებს.
შეგახსენებთ, 2017 წელს საქართველოში ტურისტების რეკორდული მაჩვენებელი დაფიქსირდა - საერთაშორისო მოგზაურთა რიცხვმა ისტორიულ მაქსიმუმს მიაღწია და პირველად გადააჭარბა 6 მილიონ ადამიანს.
მეექვსიმილიონე ტურისტს პირადად პრემიერმა უმასპინძლა და სიურპრიზი მოუწყო. ბლექმა ქართული თავგადასავლის მისეული ვერსია გამოაქვეყნა. მან თავის YouTube-ის არხზე 20-წუთიანი ვიდეო ატვირთა, რომელშიც მთელ საქართველოს მადლობა გადაუხადა.