რუსულმა Vogue-მა დემნა გვასალიას "Vetements"-ის ახალი კოლექციის ვიდეო შემდეგი სათაურით გამოაქვეყნა: „დრამა! დრამა! დემნა გვასალიამ კოლექცია ქართველი ერის გენოციდს მიუძღვნა“.
რუსი მომხმარებლის მხრიდან ამ მიძღვნამ დიდი აგრესია მოჰყვა: „როდის იყო ქართველი ხალხის გენოციდი?“, „ყველაფრისგან პოლიტიკას აკეთებენ, რა გენოციდი?“, - წერენ რუსი კომენტატორები. მათ აგრესიას ქართველი მომხმარებლები აქტიურად პასუხობენ.
1 ივლისის ქართველმა დიზაინერმა დემნა გვასალიამ, რომელიც ფრანგული მოდის სახლის Balenciaga-ს და კომპანია Vetements-ის ხელმძღვანელია, 2019 წლის გაზაფხული-ზაფხულის კოლექცია წარადგინა. როგორც გვასალიამ თქვა, კოლექცია საქართველოს ეძღვნებოდა.
Vetements-მა აპლიკაციაც შექმნა, რომელიც ტანსაცმელზე განთავსებული კოდების დასკანერების შემდეგ მომხმარებელს Wikipedia-ს შესაბამის გვერდზე გადაიყვანს, სადაც მათ შესაძლებლობა ექნებათ გაეცნონ აფხაზეთისა და საქართველოს ომის ისტორიას.