14 სექტემბრამდე საქართველოს უმეტეს რაიონებში არამდგრადი, წვიმიანი ამინდია მოსალოდნელი.

გარემოს ეროვნული სააგენტოს ინფორმაციით, ხვალ საქართველოს ზოგიერთ რაიონში მოსალოდნელია ძლიერი წვიმა ელჭექით, მათ შორის იწვიმებს თბილისშიც, ძირითადად საღამოსა და ღამის საათებში. აღმოსავლეთ საქართველოში, კერძოდ, კახეთში მოსალოდნელია სეტყვა.

11 სექტემბერს, დღისით, დასავლეთ საქართველოში ჰაერის ტემპერატურა 22-27 გრადუსი იქნება, აღმოსავლეთ საქართველოში კი 26-31 გრადუსი, თბილისში - 30 გრადუსი.

12-14 სექტემბერს, დღისით, დასავლეთ საქართველოში ჰაერის ტემპერატურა 22-30 გრადუსი იქნება; აღმოსავლეთ საქართველოში კი 26–31 გრადუსი, თბილისში - 31 გრადუსი.