სახელმწიფო პროფესიულ კოლეჯებში არსებული 5 853 ვაკანტური ადგილის დაკავებას წელს 10 850 აბიტურიენტი შეეცდება.

განათლების სამინისტროს ინფორმაციით, სწავლის მსურველთა მაქსიმალური რაოდენობა მზარეულის სპეციალიზაციაზე დაფიქსირდა, სადაც 320 ადგილი იყო, განაცხადი კი 1 359-მა პირმა შეიტანა. შესაბამისად, ერთ ადგილზე 4,25 კანდიდატი მოდიოდა.

მზარეულის შემდეგ, ყველაზე მოთხოვნადი სპეციალობებია:

ინფორმაციის ტექნოლოგიის მხარდაჭერა: რეგისტრანტთა რაოდენობა 1 155, ადგილების რაოდენობა 367, კონკურსი 3.15;

ვებინტერფეისის დეველოპერი: რეგისტრანტთა რაოდენობა 767, ადგილების რაოდენობა 102, კონკურსი 7.52;

ელექტროობა: რეგისტრანტთა რაოდენობა 635, ადგილების რაოდენობა 339, კონკურსი 1.87;

კულინარიის ხელოვნება: რეგისტრანტთა რაოდენობა 605, ადგილების რაოდენობა 108, კონკურსი 5.60;

ბაგა-ბაღის აღმზრდელი-პედაგოგი: რეგისტრანტთა რაოდენობა 540, ადგილების რაოდენობა 169, კონკურსი 3.20;

საოფისე საქმე: რეგისტრანტთა რაოდენობა 453, ადგილების რაოდენობა 135, კონკურსი 3.36;

ბუღალტრული აღრიცხვა: რეგისტრანტთა რაოდენობა 398, ადგილების რაოდენობა 107, კონკურსი 3.72;

სამკერვალო ნაწარმის სპეციალისტი: რეგისტრანტთა რაოდენობა 384, ადგილების რაოდენობა 164 კონკურსი 2.34;

საბაჟო საქმე: რეგისტრანტთა რაოდენობა 365, ადგილების რაოდენობა 53, კონკურსი 6.89.

პროფესიულ სასწავლებლებში სწავლის მსურველთა ტესტირება მიმდინარე წლის 4 ნოემბერს ჩატარდება, სწავლა კი ნოემბრის ბოლო რიცხვებში დაიწყება. საქართველოში ამ ეტაპზე 39 სახელმწიფო და 44 კერძო პროფესიული სასწავლებელი ფუნქციონირებს.

კერძო დაწესებულებებში რეგისტრაციის პროცესი 31 ოქტომბრამდე გაგრძელდება.

წყარო :