logo_geo
სიღნაღში დაგეგმილი კონცერტი უბედური შემთხვევის გამო გაუქმდა
- +

10 ნოემბერი. 2018. 14:34

 

 

სიღნაღში უბედური შემთხვევის შედეგად 38 წლის კაცი გარდაიცვალა. imedinews-ის ინფორმაციით, გიორგი სიხაშვილი კვადროციკლით გადაადგილდებოდა, რა დროსაც „სიღნაღქალაქობისთვის“ დამონტაჟებულ სცენას შეეჯახა. ახალგაზრდა სასწრაფო დახმარების მისვლამდე ადგილზე გარდაიცვალა. შემთხვევა ღამის სამ საათზე მოხდა. წინასწარი ინფორმაციით, კაცი ნასვამი იყო.

 

როგორც imedinews-ს სიღნაღის მუნიციპალიტეტის მერიის პრესსამსახურის ხელმძღვანელმა ქეთევან ბეჟიაშვილმა განუცხადა, უბედური შემთხვევის გამო, ღონისძიების პროგრამა შეიცვალა და დაგეგმილი კონცერტი გაუქმდა.

 

შსს-ში აცხადებენ, რომ მომხდარზე გამოძიება 276 -ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

 

უწყებაში განმარტავენ, რომ დანიშნულია სხვადასხვა სახის ექსპერტიზა შეჯახების ზუსტი მიზეზის დადგენის მიზნით.

 

 

წყარო : wyaro
big_banner
არქივი