logo_geo
გია აბდალაძე სალომე ზურაბიშვილს: მადლობა, რომ მოხვედით, მართლაც არ ველოდებოდი
- +

22 ნოემბერი. 2018. 14:00

 

ფოტორეპორტიორმა გია აბდალაძემ პრეზიდენტობის დამოუკიდებელ კანდიდატ სალომე ზურაბიშვილს სოლიდარობისთვის მადლობა გადაუხადა.

 

მისი თქმით, არ ელოდებოდა, რომ პრეზიდენტობის კანდიდატი სააპელაციო სასამართლოში ფოტოგრაფების პროცესზე მივიდოდა.

 

გია აბდალაძემ „ერთიანი ნაციონალური მოძრაობის“ პრეზიდენტობის კანდიდატ, საგარეო საქმეთა ყოფილ მინისტრ გრიგოლ ვაშაძეზეც ისაუბრა და აღნიშნა, რომ ვაშაძემ ის გაწირა.

 

„ყველა თანამშრომელი, ვინც საგარეოში იყო, ამასთან დაკავშირებით ინფორმირებული იყო. დღეს ის უარყოფს, რომ მიცნობს. ვაჟკაცობა არ იყო, რომ ეღიარებინა. მაიძულეს, მეღიარებინა ის სისულელე. დღეს სასამართლომ უნდა გამოიტანოს სამართლიანი განაჩენი. ვაშაძე კანდიდატი რომ არ ყოფილიყო, მე ხმას არ ამოვიღებდი. მას რომ ეღიარებინა, რომ უდანაშაულოები ვიყავით, ხმას არ ამოვიღებდი. მადლობა, სალომე, თქვენ, რომ მოხვედით. მართლაც არ ველოდებოდი. იმედი მაქვს, მოსახლეობა დაფიქრდება. მე გრიგოლ ვაშაძეს ვდებ ბრალს, რომ გამწირა და გამიშვა ციხეში, სადაც გავიარე ჯოჯოხეთი. შეეკითხეთ ვაშაძეს, სააკაშვილს, რა სახის დოკუმენტაცია წავიღე? ეს არის ბრალდება, თითქოს რაღაც ავიღე, მივეცი ქურციკიძეს. ცხრა გრიფი ედო საქმეს“, – განაცხადა გია აბდალაძემ.

 

სააპელაციო სასამართლოში დღეს ე.წ. ფოტორეპორტიორების საქმის გადასინჯვის ფარგლებში განაჩენი გამოცხადდება.  

 

 

 

 

 

 

 

big_banner
არქივი