ენერგეტიკოსი გია არაბიძე ბუნებრივ აირთან დაკავშირებული უსაფრთხოების ნორმების შესახებ „პალიტრა ნიუსის“ გადაცემა „NEWSROOM“-ის ეთერში ისაუბრა. მისი თქმით, აუცილებელია გაზის დეტექტორის დამონტაჟება და ოთახის განიავება.
„თუ ერთი საათის განმავლობაში, სახლში გაზის მოწყობილობა მუშაობს (არ აქვს მნიშვნელობა, გაზქურაა თუ წყლის გამაცხელებელი), გააღეთ ფანჯარა 5 წუთით და გაანიავეთ, აბსოლუტურად დაცული იქნებით ამ შემთხვევაში! აადუღეთ ჩაიდანი, გააკეთეთ სადილი და ვთქვათ, 40 წუთი გქონდათ ჩართული გაზქურა, გააღეთ და გაანიავეთ“, - განაცხადა გია არაბიძე.
ენერგეტიკოსი იძლევა რეკომენდაციას, რომ აუცილებლად ყველა სახლში უნდა იყოს დამონტაჟებული გაზის დეტექტორი, რომელიც გაზის მცირე კონცენტრაციაზეც იძლევა ხმოვან სიგნალს.