თბილისში, საქნავთობის დასახლებაში ერთსართულიან საწყობის ტიპის შენობაში გაჩენილი ხანძარი ლიკვიდირებულია.
საგანგებო სიტუაციების მართვის სამსახურის ინფორმაციით, მეხანძრე-მაშველებმა სწრაფად შეძლეს ხანძრის ლოკალიზება, რის შედეგადაც ცეცხლი არ გავრცელდა გვერდით მდებარე სასაწყობო მეურნეობაზე. მათივე ცნობით, დამწვარია 300 კვ.მ ფართობი. შემთხვევის შედეგად არავინ დაშავებულა. ადგილზე მუშაობდა 8 სახანძრო-სამაშველო ჯგუფი.