თვითმხილველები თბილისში ახალგაზრდა ქალის დაჭრის შესახებ საუბრობენ. თვითმხილველების ინფორმაციით, მიმდებარე ტერიტორიაზე საცხოვრებელი სახლები არ არის და მხოლოდ საწყობებია.
ერთ-ერთი თვითმხილველის ინფორმაციით, სასწრაფო დახმარება დაახლოებით 10 წუთში მივიდა, მამაკაცი კი გაიქცა.
„კივილი რომ გავიგონეთ, გავიქეცით და დავინახეთ, რომ ასეთი სიტუაცია იყო“, - აღნიშნავს მიმდებარე ტერიტორიაზე არსებული ავტოსადგურის მეთვალყურე.
შემთხვევა ხოშარაულის ქუჩაზე მოხდა. ახალგაზრდა ქალი სავარაუდოდ, ყოფილმა მეუღლემ დაჭრა.
როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის 11-117-ე მუხლის პირველი ნაწილით მიმდინარეობს, რაც ჯანმრთელობის განზრახ მძიმედ დაზიანებას გულისხმობს. აღნიშნული დანაშაული 3-დამ 6 წლამდე თავისუფლების აღკვეთას ითვალისწინებს.