წყნეთში საქალაქო ავტობუსი, სავარაუდოდ, დაგორდა და ხეს შეეჯახა.
როგორც „პირველს“ შსს-ში განუცხადეს, ავარიის შედეგად ხუთი მგზავრი მსუბუქად დაშავდა.
გამოძიება სსკ-ის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია და ისჯება ჯარიმით ანდა თავისუფლების აღკვეთით ვადით ერთ წლამდე.