"ხშირად ფოტოგრაფები ეგზოტიკურ, მშვენიერ ობიექტებს აღბეჭდავენ. მე კი, როგორც წესი, მოსაწყენ ადგილებს ვიღებ: ავტოსადგომებს, სერვისცენტრებს. ყოველთვის მაინტერესებდა, რამდენად შესაძლებელია საინტერესო ფოტოს გადაღება ვითომდა ერთფეროვან გარემოში, რადგან ფოტოგრაფის სუბიექტურობა ასეთ ადგილებში უკეთესად ჩანს", - ამბობს მარტინ პარი, ბრიტანელი ფოტოგრაფი, რომელიც ჩვენი ეპოქის ერთ-ერთ საუკეთესო დოკუმენტალისტად ითვლება.
ბრიტანელი ხელოვანი 1980-იანი წლებიდან მოღვაწეობს და ყველაზე პრესტიჟული სააგენტოს, „Magnum Photos“ ერთ-ერთი ფოტოგრაფია. მაგნუმის სააგენტოს ბიბლიოთეკა ცოცხალი არქივია, რომელიც მსოფლიოს სხვადასხვა ქვეყანაში გადაღებული ნამუშევრებით ყოველდღიურად ახლდება.
მარტინ პარი თბილისს კარიერის განმავლობაში რამდენჯერმე ეწვია და ყოველდღიურ საქმიანობაში გართული ადამიანები აღბეჭდა.
აი, ასეთია მისი თვალით დანახული 2009 წლის თბილისი: