14 ქუჩას, სადაც მიკროავტობუსები მხოლოდ გაჩერებაზე გაჩერდებიან 12 ქუჩა დაემატება. თბილისის მერიის ტრანსპორტის საქალაქო სამსახურის ინფორმაციით, პირველ ეტაპზე მიკროავტობუსების გაჩერება წერეთლის, თამარ მეფის, ქეთევან წამებულისა და რობაქიძის გამზირებზე შეიზღუდება.
დანარჩენი 8 ქუჩა, სადაც გაჩერებები იზღუდება ხვალ, თბილისის მთავრობის სხდომაზე გაირკვევა.
ამჟამად გაჩერებებზე შეზღუდვები შემდეგ ქუჩებზე მოქმედებს: ვაჟა-ფშაველას, შოთა რუსთაველის, ალექსანდრე ყაზბეგის, დავით აღმაშენებლის, ილია ჭავჭავაძის, მარშალ გელოვანის გამზირები, მერაბ კოსტავას, პეტრე მელიქიშვილის, ვახტანგ გორგასლის, ჟიული შარტავას, პეკინის, ჯორჯ ბუშის ქუჩა, ასევე, დავით აღმაშენებლის ხეივანი და კახეთის გზატკეცილი.