ოკუპირებულ აფხაზეთში, გალის რაიონის სოფელ პირველ ოტობაიაში 70 წლის გ.თ.-ს დაკრძალვას ნათესავები ვერ დაესწრნენ. გარდაცვლილის ახლობლები მიცვალებულს ქართული მხარის მიერ კონტროლირებადი ტერიტორიიდან, ენგურს აქეთ გამოემშვიდობნენ.
როგორც გარდაცვლილის ნათესავებმა imedinews-თან განმარტეს, მათ არ მიეცათ ოკუპირებულ ოტობაიაში შესვლის საშუალება და ამ ფორმით გამოხატეს სამძიმარი. ისინი ხელისუფლებასა და შესაბამის ორგანოებს დახმარებას სთხოვენ.