აღდგომის დღესასწაულის მოახლოებასთან დაკავშირებით ავტოსადგურებზე რიგებია. მოქალაქეებს თბილისიდან რეგიონებში წასვლა უჭირთ. ამის მიზეზად კი არასაკმარის ტრანსპორტსა და გაძვირებულ მგზავრობას ასახელებენ.
მგზავრების თქმით, ბილეთის ფასის გაძვირება სწორედ აღდგომის დღესასწაულს უკავშირდება. მძღოლების ნაწილი ფასების გაძვირებას უარყოფს, ნაწილი კი მგზავრობის გაძვირებას საწვავზე ფასის მომატებით ხსნის.
აღდგომის ბრწყინვალე დღესასწაულს მართლმადიდებლები წელს 28 აპრილს აღნიშნავენ.