logo_geo
პირველ გამოცდაზე წარუმატებლობის შემთხვევაში, მასწავლებლებს წლის ბოლომდე...
- +

13 მაისი. 2019. 15:25

 

„მასწავლებლების გამოცდებთან დაკავშირებით განსაკუთრებული სიახლეები არ არის, თუმცა პირველ გამოცდაზე წარუმატებლობის შემთხვევაში, მასწავლებლებს ექნებათ შესაძლებლობა 2019 წლის ბოლომდე გამოცდაზე მეორედ გავიდნენ“,- ამის შესახებ გამოცდების ეროვნული ცენტრის დირექტორმა სოფო გორგოძემ განათლების რეფორმის შემდეგ ეტაპზე საუბრისას განაცხადა.

 

„დღეს დაიწყო მასწავლებლების გამოცდებზე რეგისტრაცია, რომელიც გაგრძელდება 24 მაისის 18:00 საათამდე. პროცედურა საკმაოდ გამარტივებულია და მხოლოდ რამდენიმე წუთიანი, ასევე, ხდება მხოლოდ შეფასებისა და გამოცდების ეროვნულ ცენტრში. მანამდე იყო ორმაგი რეგისტრაცია, ერთი მასწავლებელთა პროფესიული განვითარების ცენტრში და ერთი ჩვენს ცენტრში. შესაბამისად, ძალიან მალე შეუძლიათ მასწავლებლებს დარეგისტრირება. თავად გამოცდებთან დაკავშირებით განსაკუთრებული ცვლილებები და სიახლეები არ არის, ტესტების იგივე ფორმატი და დიზაინია, როგორიც წინა წლებში იყო. ცვლილებები ბარიერის თვალსაზრისითაც არ არის. მინიმალური კომპეტენციის დადასტურებაზეა საუბარი და 1, 4 და 7 კრედიტი, როგორც წინა წელს იყო, წელსაც შეუძლიათ, შესაბამისი ქულების რაოდენობით ამ რაოდენობის კრედიტები მოაგროვონ. განსაკუთრებულად არ იცვლება არც შინაარსობრივი მხარე, პროგრამები ჩვენს გვერდზე დევს. სიახლე ის არის, რომ აქამდე მასწავლებლებს ამ გამოცდაზე გასვლის შესაძლებლობა მხოლოდ ერთხელ ჰქონდათ, ახლა პირველ გამოცდაზე გასვლისა და წარუმატებლობის შემთხვევაში, მასწავლებლებს ექნებათ შანსი, მეორედ გავიდნენ გამოცდაზე 2019 წლის ბოლომდე", - აღნიშნა გორგოძემ.

 

როგორც განათლების მინისტრმა მიხეილ ბატიაშვილმა ბრიფინგზე განაცხადა, მასწავლებლებს, რომელთაც უფროსი, წამყვანი ან მენტორის სტატუსი აქვს, 2019 სექტემბრიდან ანაზღაურება 150 ან მეტი ლარით გაეზრდება.

 

 

big_banner
არქივი