უკრაინული გამოცემა bykvu.com მიხეილ სააკაშვილის ფოტოს აქვეყნებს, სადაც სააკაშვილს „პრადას“ ფირმის 745 დოლარის ღირებულების სპორტული ფეხსაცმელი აცვია.
„საქართველოს ექს-პრეზიდენტი მიხეილ სააკაშვილი დღეს კიევის მერთან ერთად შუშის ხიდზე სეირნობს და ფეხზე 700 დოლარზე მეტი ღირებულების „პრადას“ სპორტული ფეხსაცმელი აცვია“, - წერს გამოცემა.
bykvu.com-ის საიტზე ასევე მოცემულია „პრადას“ ონლაინ მაღაზიის სურათები, რომელზეც სპორტული ფეხსაცმლის ფასია აღნიშნული.
შეგახსენებთ, რომ მიხეილ სააკაშვილი ხშირად აცხადებს თავს ღარიბად და მოწყალებას საზღვარგარეთ მყოფ ქართველ ემიგრანტებს ეხვეწება, ხოლო „რუსთავი 2“-ის ეთერში გასულ სიუჟეტში ექს-პრეზიდენტმა ჟურნალისტს მაცივარი აჩვენა, სადაც მხოლოდ ყველი და „კალბასი“ ჰქონდა შენახული.