2019 წლის აბიტურიენტთა ცნობარში მორიგი ცვლილებაა.
შეფასებისა და გამოცდების ეროვნული ცენტრის ინფორმაციით, შპს „ქართულ-ევროპული უმაღლესი სასწავლებლის“ (კოდით 178) კორესპონდენციის თანახმად, ამ დაწესებულებაში მიმდინარეობს რეორგანიზაციის პროცესი. ინფორმაციას edu.aris.ge-ი ავრცელებს.
უმაღლესი სასწავლებელი უერთდება სხვა უმაღლეს საგანმანათლებლო დაწესებულებას (შპს „უმაღლესი სასწავლებელი განათლების აკადემია“ – კოდით 182) და შერწყმის შედეგად ფუნქციონირებას გააგრძელებს შპს „ნიუ უნივერსითის“ სახელწოდებით (კოდი 182).
ყველა აბიტურიენტს, რომელთაც არჩეული აქვთ უმაღლესი სასწავლებელი კოდით 178, საგანმანათლებლო პროგრამების ნუსხიდან წაეშლებათ.
საგანმანათლებლო პროგრამების ცვლის, წაშლისა და დამატების საშუალება აბიტურიენტებს აპელაციის შედეგების გამოქვეყნების მომდევნო დღის 18:00 საათამდე ექნებათ.