ცნობილი თამაშის - „Pokémon Go“-ს შემქმნელები ანდროიდისა და iOS-ის მომხმარებლებისთვის ახალ თამაშს - „Harry Potter Wizards Unite“-ს გამოუშვებენ, რომელიც გაფართოებულ რეალობაზე იქნება დაფუძნებული.
„Businessinsider“-ის ცნობით, თამაში 21 ივნისს გამოვა. აპლიკაციის მომხმარებლებს საშუალება მიეცემათ რეალურ სამყაროში მაგიური ნიშნები მოძებნონ და „ჰარი პოტერის“ პერსონაჟები ნახონ.
კომპანია „Niantic“-მა თამაშის გამოსვლის თარიღი ოფიციალურად 18 ივნისს გამართულ ღონისძიებაზე დაადასტურა.