საქართველოში ჩინეთის ახალმა ელჩმა ლი იანმა საქართველოს პრეზიდენტ სალომე ზურაბიშვილს დღეს რწმუნებათა სიგელები გადასცა. ამის შესახებ ზურაბიშვილი სოციალურ ქსელში წერს.
დღესვე პრეზიდენტმა საქართველოში გაერო-ს მუდმივი კოორდინატორი, საბინე მახლი მიიღო.
„გაერო-ს სააგენტოებმა წარსულში ძალიან დიდი დახმარება აღმოუჩინეს საქართველოს. ველოდები მათთან სამომავლო თანამშრომლობას“, - წერს ზურაბიშვილი.
ამასთან, დღეს კიდევ ერთი შეხვედრა წითელი ჯვრის საერთაშორისო ორგანიზაციის წარმომადგენელთან შედგა.
ზურაბიშვილის განცხადებით, ორგანიზაცია ძალიან ბევრს მუშაობს ოკუპაციის ხაზთან მცხოვრები მოქალაქეების დასახმარებლად.