„კათოლიკოს-პატრიარქი თავს კარგად გრძნობს", - ამის შესახებ ჟურნალისტებს კათოლიკოს-პატრიარქის პირადმა ექიმმა ცისანა შარტავამ განუცხადა.

„თავს კარგად გრძნობს უწმინდესი. ყველა მაჩვენებელი, რასაც ყოველდღიურად აკვირდებიან, ჩვენთვის მისაღებია. მთელ საქართველოს ვულოცავ უწმინდესის წარმატებით ჩატარებულ მკურნალობას", - განაცხადა ცისანა შარტავამ.

სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ბერლინიდან თბილისში დღეს, 17:30 საათზე დაბრუნდება. კათოლიკოს-პატრიარქი თანმხლებ პირებთან ერთად თბილისის აეროპორტში ჩარტერული რეისით ჩამოფრინდება. პატრიარქს აეროპორტში მრევლი, სასულიერო პირები და საზოგადოების წარმომადგენლები დახვდებიან.