საქართველოში 30 აგვისტოს დღის ბოლოდან , 31 აგვისტოს დღის ბოლომდე გრილი და ნოტიო ჰაერის მასების გავრცელებაა მოსალოდნელი. გარემოს ეროვნული სააგენტოს ინფორმაციით, ქვეყნის ზოგ რაიონში იწვიმებს ელჭექით, ზოგან ძლიერად. ამინდის გაუარესებას შესაძლებელია მოყვეს სეტყვა და ქარის გაძლიერება, მოსალოდნელია ზღვაზე 4-5 ბალიანი შტორმული ღელვა.

უწყების ცნობით, მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ - ღვარცოფული პროცესების ჩასახვა - გააქტიურება გამოიწვიოს.