logo_geo
ბოლო 120 წლის განმავლობაში პირველად კახის რაიონის სოფელ ქოთოქლოს ახლად ამოქმედებულ ეკლესიაში საზეიმო წირვა-ლოცვა ჩატარდა
- +

6 ოქტომბერი. 2019. 20:06

 

6 ოქტომბერს,  პირველად, ბოლო 120 წლის განმავლობაში, ჩატარდა საზეიმო წირვა-ლოცვა კახის რაიონის სოფელ ქოთოქლოს ახლად ამოქმედებულ წმინდა სამების ეკლესიაში.

 

აღსანიშნავია ის ფაქტი, რომ საუკუნეზე მეტი ხნის მანძილზე, აღნიშნული ტაძარი იყო უმოქმედო და ადგილობრივი ქართველი მართლმადიდებელი მოსახლეობა მოითხოვდა რეგულარული წირვა-ლოცვის განახლებას, რასაც მხარი დაუჭირა აზერბაიჯანის ხელისუფლებამ.

 

პირველი საღვთო ლიტურგია ჩაატარა საქართველოს მართლმადიდებლური ეკლესიის ჰერეთისა და ხორნაბუჯის ეპისკოპოსმა მეუფე დიმიტრიმ.

 

საზეიმო წირვას ესწრებოდნენ საქართველოს ელჩი ზურაბ პატარაძე, აზერბაიჯანის რესპუბლიკაში საქართველოს საელჩოსა და ქ. განჯაში საქართველოს გენერალური საკონსულოს წარმომადგენლები.

 

საღვთო ლიტურგიის დასრულების შემდეგ, ზურაბ პატარაძემ, წმინდა სამების ეკლესიის ეზოში, შეხვედრა გამართა ადგილობრივ ქართველ მოსახლეობასთან. წმინდა სამების ეკლესიის ამოქმედებასთან დაკავშირებულ ღონისძიებას ასევე ესწრებოდა კახის რაიონის აღმასრულებელი ხელისუფლების ხელმძღვანელი მუსა შექელიევი.

 

 

 

 

big_banner
არქივი