logo_geo
განათლების სამინისტრო მასწავლებლობის მსურველობისა და მოქმედი პრაქტიკოსი მასწავლებლებისთვის ახალ პროგრამას იწყებს
- +

10 ოქტომბერი. 2019. 18:34

 

განათლების სამინისტრო მასწავლებლობის მსურველობისა და მოქმედი პრაქტიკოსი მასწავლებლებისთვის ახალ პროგრამას იწყებს.

 

განათლების სამინისტროს ინფორმაციით, სკოლა მასწავლებლის პროფესიული განვითარების ეროვნული ცენტრის ბაზაზე იმუშავებს. აქ მსურველები კონკრეტულ საგნებში მომზადდებიან.

 

მათივე ინფორმაციით, ახალი პროგრამა მცირეკონტინგენტიანი სკოლებს საშუალებას მისცემს, ერთმა პედაგოგმა რამდენიმე საგანი ასწავლოს, რაც თავის მხრივ, ასეთი პედაგოგების ანაზღაურებასაც გაზრდის.

 

„ამ პროგრამით ჩვენ ვაძლევთ საშუალებას მოვამზადოთ ახალი ტიპის მასწავლებელი. საქართველოში საჯარო სკოლების ნახევარზე მეტი არის 100 ბავშვზე ნაკლები კონტინგენტით, ანუ იქ არის საათების ძალიან ცოტა რაოდენობა. იმისათვის, რომ მასწავლებელს გაეზარდოს ხელფასი, უნდა მოვამზადოთ საგნობრივი ჯგუფის მასწავლებელი რომ ერთ მასწავლებელს შეეძლოს რამდენიმე საგნის სწავლება“, – აცხადებს მასწავლებლის ეროვნული ჯილდოს ხელმძღვანელი ბერიკა შუკაკიძე.

 

მსურველთ რეგისტრაცია ხვალიდან შეეძლებათ( tpdc.ge). უშუალოდ ტრენინგები კი ნოემბრის თვიდან დაიწყება. საგანში ორთვიანი მომზადების შემდეგ აპლიკანტები დიდაქტიკის კურსსაც გაივლიან.

 

 

 

 

big_banner
არქივი