„ილია მეორეს ბათუმში, კლინიკა „მედინაში“ უკეთებენ ინსტრუმენტულ გამოკვლევას, არაფერი პრობლემა არ ყოფილა, ჯანმრთელობის მდგომარეობა სტაბილურია“, – განაცხადა პატრიარქის ექიმმა ცისანა შარტავამ.
როგორც ცისანა შარტავამ აღნიშნა, პატრიარქი ბათუმში დასასვენებლად ბრძანდებოდა.
„უწმინდესს გეგმური გამოკვლევა უტარდება წელიწადში ერთხელ. თბილისში იყო გამოკვლევების ჩატარება დაგეგმილი, მაგრამ ბათუმში მოინახულეს იქაურმა ექიმებმა, უთხრეს, რომ აქვთ კარგი აპარატურა და შეეძლოთ გამოკვლევების ნაწილის ჩატარება. პატრიარქი დათანხმდა და ბათუმში, კლინიკა „მედინაში“ უკეთებენ ინსტრუმენტული გამოკვლევის რაღაც ნაწილს. არაფერი პრობლემა არ ყოფილა, ჯანმრთელობის მდგომარეობა სტაბილურია“, – განაცხადა ცისანა შარტავამ.
საქართველოს კათოლიკოს-პატრიარქი, უწმინდესი და უნეტარესი ილია მეორე ბათუმში, კლინიკა „მედინაში“ გადაიყვანეს. ბათუმ-ლაზეთის ეპარქიაში აცხადებენ, რომ კლინიკაში იგი გეგმური გამოკვლევის მიზნით მივიდა და მისი ჯანმრთელობის მდგომარეობა სტაბილურია.