„ოსკარის“ დაჯილდოების 92-ე ცერემონიას, რომელიც ლოს-ანჯელესში 9 თებერვალს გაიმართა, 23,6 მილიონმა ადამიანმა უყურა. ამის შესახებ „Nielsen“-ზე დაყრდნობით „New York Times“ წერს.
კვლევითი კომპანია ნახვების რაოდენობას ამერიკულ ტელეარხ „ABC“-ის აუდიტორიის მიხედვით ითვლის და მასში სტრიმინგ სერვისების მაყურებლები არ შედის.
გასულ წელთან შედარებით, „ოსკარის“ აუდიტორია 20%-თ ანუ დაახლოებით 6 მილიონი ადამიანით შემცირდა. წინა ანტირეკორდი 2018 წელს დამყარდა: მაშინ დაჯილდოების ცერემონიას 26,5 მილიონმა ადამიანმა უყურა.