ვანკუვერის ოლიმპიადაზე 2010 წელს ქართველი მოციგავის ნოდარ ქუმარიტაშვილის ტრაგიკული გარდაცვალებიდან 10 წელი შესრულდა.

21 წლის სპორტსმენი 21-ე ზამთრის ოლიმპიური თამაშების გახსნის ცერემონიამდე, რამდენიმე საათით ადრე, ვარჯიშის დროს უისტლერის საციგაო ტრასაზე ციგით დაშვებისას დაიღუპა. ეს ტრასა ერთ-ერთ ყველაზე სწრაფ ტრასად ითვლება.

როდესაც ქართველმა სპორტსმენმა ბოლო მოსახვევში ციგა ვერ დაიმორჩილა, მისი სიჩქარე 145-150 კმ/სთ-ს აღწევდა.