logo_geo
თენგიზ ცერცვაძე: ჩვენ არცერთი გარდაცვლილი არ გვყავს და ამით საქართველო უსწრებს თითქმის ყველა ქვეყანას
- +

30 მარტი. 2020. 14:03

 

 

ინფექციური საავადმყოფოს დირექტორის თენგიზ ცერცვაძის განცხადებით, საქართველოში შიდა გადადების დაფიქსირების მიუხედავად, კორონავირუსის გავრცელების მასშტაბი საგანგაშო არ არის.

 

 

ამასთან ცერცავაძემ ხაზი გაუსვა, რომ საქართველო მსოფლიოში ერთადერთი ქვეყნაა, სადაც დაავადების გავრცელების მიუხედავად, მსხვერპლი არ დაფიქსირებულა.

 

 

მისივე თქმით, ლეტალური შემთხვევა გარდაუვალია. ინფექციონისტის პროგნოზით, იმ შემთხვევაში, თუ ქართველი მედიკოსები მუშაობას აღებული ტემპითა და წარმატებით გააგრძელებენ. საქართველო მსხვერპლის რაოდენობით სხვა ქვეყნებს 3-4 საფეხურით მაინც უნდა ჩამორჩეს.

 

 

„გვაყავს 91 ინფიცირებული და 18 გამოჯანმრთელებული, მაგრამ ერთი ძალიან მნიშვნელოვანი დეტალი გამოგვრჩა - ჩვენ არცერთი გარდაცვლილი არ გვყავს და ამით საქართველო უსწრებს თითქმის ყველა ქვეყანას. თუმცა ეს დიდხანს ვერ გაგრძელდება და გარდაცვალების შემთხვევა აუცილებლად დადგება.

 

 

რაც შეეხება დინამიკას, დაიწყო მეოთხული გავრცელება, როგორც კი შიდაგადაცემა დაიწყო, ველოდებოდით, რომ შემთხვევები გაიზრდებოდ. მინდა, დავამშვიდო საზოგადოება 1 კვირაა, რაც დაფიქსირდა შიდა გადადების ფაქტი და მნიშვნელოვნი, დრამატული მატება არ მომხდარა. დღეში 10-ზე მეტის მომართვიანობა არცერთხელ არ დაფიქსირებულა, რაც ჩვეულებრივია.

 

 

ჩემი პროგნოზით, ჩვენთან იქნება მატება, იქნება ლეტალური შემთხვევაც, მაგრამ ძალიან დიდი იმედი მაქვს, რომ მასობრივი შიდა გავრცელების პირობებითა და სიკვდილიანობით მსოფლიოს სხვა ქვეყნებს 3-4 საფეხურით მაინც ჩამოვრჩებით", - განაცხადა თენგიზ ცერცვაძემ "იმედის" ეთერში.

 

 

big_banner
არქივი