ჯონს ჰოპკინსის უნივერსიტეტის მონაცემებით, მსოფლიო მასშტაბით ახალი კორონავირუსი უკვე 6,5 მილიონზე მეტ ადამიანს დაუდასტურდა. ფატალური შემთხვევების რიცხვი კი 386,000-ს აღწევს.

ინფიცირების შემთხვევების მიხედვით პირველ ადგილზე ამერიკის შეერთებული შტატები, სადაც ახალი კორონავირუსი 1,851,520 პაციენტს დაუდგინდა, მათ შორის 107,000-ზე მეტი გარდაიცვალა.

მეორე ადგილზეა ბრაზილია, სადაც „კოვიდ-19“-ის 584,016 შემთხვევაა დაფიქსირებული, ხოლო გარდაცვლილთა რიცხვი 32,548-ს აღწევს.

ევროპის მასშტაბით ინფიცირებულების რაოდენობით ლიდერობს დიდი ბრიტანეთი, სადაც „კოვიდ-19“-ის 281,270 შემთხვევაა გამოვლენილი, ხოლო საავადმყოფოებში გარდაცვლილთა რიცხვი 40,000-ს უახლოვდება.