შსს სტრატეგიული კომუნიკაციების დეპარტამენტი, აქვეყნებს ევროკავშირში არსებული სტანდარტების მიხედვით მომზადებულ ინფორმაციას, რომელიც დაგეხმარებათ ამოიცნოთ დეზინფორმაციული ახალი ამბები.
ჩამოთვლილი რჩევები დაგეხმარებათ დეზინფორმაციის ამოცნობაში:
ინფორმაციის გავრცელებამდე, ყოველთვის გადაამოწმეთ წყარო. დარწმუნდით, რომ ინფორმაცია გავრცელებულია ოფიციალური და სანდო წყაროების მიერ.
ყურადღება მიაქციეთ ბმულს- ხშირად, ყალბი ამბების გამავრცელებლები, მომხმარებლის შეცდომაში შეყვანის მიზნით, იყენებენ სანდო წყაროებთან მიმსგავსებულ ვებგვერდების მისამართებს. ამიტომ, მნიშვნელოვანია, კარგად დავაკვირდეთ ბმულს და დავრწმუნდეთ მის სანდოობაში.
გადაამოწმეთ ფაქტები- დარწმუნდით სტატიაში მოყვანილი ფაქტების სიზუსტეში. გადაამოწმეთ ინფორმაცია სხვა წყაროებში.
გადაამოწმეთ თარიღები- ყალბი ამბების გამავრცელებლები, ხშირად ავრცელებენ ძველ, არარელევანტურ ამბებს, რომლებიც მიზნად ისახავს მომხმარებლის შეცდომაში შეყვანას. ამიტომ, ყოველთვის გადაამოწმეთ თარიღები და დარწმუნდით, რომ ინფორმაცია არის ახალი.
ყურადღება მიაქციეთ სათაურს - ხშირად, ყალბი ამბების გამავრცელებლები იყენებენ სენსაციურ სათაურს, რომელიც აბსოლუტურად არ შეესაბამება სტატიის ძირითად ტექსტს.
კარგად დააკვირდით ფოტოებს- ყალბ ახალ ამბებს ხშირად ახლავს ფოტოები, რომლებიც შეიძლება სხვა ქვეყანაში/სხვა დროს იყოს გადაღებული. დააკვირდით ფოტოებს და შეეცადეთ იპოვოთ მაიდენტიფიცირებელი ნიშნები. ასევე, გამოიყენეთ ფოტო-საძიებო სისტემები.